الموضوع
لقد إنتسبنا الي حزب النور منذ ما يربو على العام والنصف إيماناَ منا بمبادئ الحزب التى هى مستمدة من مبادئ الإسلام ولقد خضنا مع الحزب كل جولاته محتسبين ذلك عند الله ولقد تقدمنا مراراَ باستمارات العضوية ودفعنا الإشتراكات المقررة وفى كل مرة نسأل متى يأتينا الكارنيه فيردون علينا الإخوة في الامانة بأنهم أرسلوها الى الاسكندرية ,المهم وبعد مماطلة شهور طويلة خرجت كارنيهات بدون صفة حزبية ولما سألنا قالوا لنا ليس لكم فيها..لماذا؟ قالوا أنتم أعضاء آه فى الحزب لكن ليس لكم أن تنتخبوا فضلاَ على أن تُنتخبوا ..فقلنا لماذا؟ فلم يرد علينا أحد ثم فوجئنا أن الامور سارت بشكل عجيب وغريب ولاحتى الحزب الوطنى يعمل كده إنتخابات فى أماكن سرية وأناس بعينهم شباب مازال يأخذ مصروفه من والده ولا نعرفهم من أين سقطوا علينا وقالوا خلاص إحنا إنتخبنا وخلاص طيب لما سألنا كام واحد إشترك فى الانتخابات ؟قالوا (10)وكام واحد نجح؟قالوا (7) يعنى مركز زى مركز أبوحماد عدد الناخبين فيه 250000 بنى آدم وأعضاء الحزب فيه بالمئات ويتقدم عشرة!!! وبعدين مين يا أخوة أمين الحزب؟ قالوا طالب فى قنا ,ده حتى (أحمد عز) ماكان شي ممكن يعمل كده!! طالب في قنا وإحنا في الشرقية. عموماَ إحنا تقدمنا بالشكوى دى لما قالوا ان فيه إصلاح فى الحزب وإحنا منتظرين هل سوف يتم التحقيق فيها؟ونبقى حزب محترم بجد يعنى حزب بحق وحقيق ولا إحنا نتعب وندافع ونصرف ونتخانق ونحلم وبعدين يجي شاب من قنا يقولوا له أنت الأمين وأخيراَ سمعنا أن الأمين والإخوة أعضاء المكتب لازم يكونوا تابعين لشيخ فى الاسكندرية ..صحيح الكلام ده؟
عموما َ إحنا منتظرين التحقيق لما نشوف. والسلام عليكم ورحمة الله وبركاته.
مقدم الشكوى لحضراتكم عن نفسي وعن غالبية أعضاء حزب النور في أبوحماد شرقية
أسامه محمد عبدالرحمن
تليفون 01117515530
01280599730
01065827555
